Leis escolans sòrtant de Calandreta s’adaptan au collègi come leis autreis escolans.

Au collègi Barbarà Endrics, non luenh de l’escòla, d’initiativas interessantas son

menadas per metre a profiech leis acquisicions dei pichòts « calandrons ». De legir : pagina « E après... »

Lo provençau ò l’occitan rodanenc

Lo provençau es una varietat regionala de l’occitan ò lenga d’òc. Se parla subretot en Provença.

Lo Provençau generau compren tres varietats fòrça pròches (Per lo siti de l’escòla, aquò me sembla pauc utile).

 Provençau rodanenc ; dins l’est dau Gard (de Nimes au Ròse), la Vauclusa (vers Avinhon, Aurenja) el’ouest dei Bocas-de-Ròse (Arles, la Camarga).

 Provençau maritime (ò centrau ò mediterraneen) : dins lo levant de Bocas-de-Ròse (vers Salon, Ais e Marsilha), lo Var (Tolon...) e lo ponent deis Aups Maritimes (vers Canas, Antibes, Grassa e Canhas-sus-mar). Exista de diferéncias localas minimas.

 Provençau nissart, nomat de còps en francés sota son nom occitan : nissart. Se parla dins lo Païs Nissart (ò Comté de Niça) e a Monacò ( a costat dau ligure monegasque). De còp, es considerat come un dialecte distinct dau provençau propament dich.

Lei cors se fan en provençau (banh linguistique) tre la mairala. Fòrça naturalament, l’enfant compren de mièlh en mièlh e s’exprima a son torn, progressivament e spontanement en provençau, laissant de costat lo francès dins la classa.
En elementari, es en provençau que vai descubrir la lectura e l’ensenhaire fai de palancas amé lei sons en francès, lei matematicas, l’istòria, lei sciencias... Lo francès es ensenhat tre lo C.E.1. A l’intrada de la seisena, lo nivèu dins totei lei matèrias dei calandrons es comparable a aqueu deis autreis enfants.